Nuk ka fitues në përballjen mes Laçit dhe Teutës, me skuadrat që janë ndarë në barazim pa gola.

17

Ky rezultat i bën më shumë punë Teutës, që tashmë e shikon veten në vendin e parë me 63 pikë, po aq sa Vllaznia, që mposhti ditën e sotme Partizanin. Ndërkohë Laçi zbret në vendin e katërt, me 61 pikë, një javë para fundit të kampionatit.

Kurbinasit i shkuan shumë afër golit të avantazhit, por Frashëri me disa ndërhyrje të shkëlqyera, ia doli të mbajë portën e paprekur.

Durrsakët tashmë kanë vënë një dorë te titulli kampion, pasi kujtojmë se javën e fundit luajnë me Apoloninë, që ka rënë matematikisht në Kategorinë e Parë, ndërsa Laçi luan me Vllazninë.

FT| LAÇI-TEUTA 0-0

KOMENTI LIVE:

Mbyllet sfida!

90+3’ Mazrekaj futet bukur në zonë, gjuan me të majtën dhe Frashëri pret mrekullisht.

90+1’ Zulfiu hedh një top të gjatë në zonë, aty ku Harmon devijon me kokë, por jashtë.

80’ Provon Mazrekaj me një gjuajtje të fortë nga jashtë zone, por pret Frashëri i vëmendshëm.

48’ Laçi shpërdoron rastin më të mirë të takimit, pas një kombinimi mes Lushkjes dhe Xhixhës, teksa ky i fundit nxjerr të lirë më pas Zulfiun, që driblon edhe Sherrin, por më pas me portën e boshatisur e përplas topin në këmbët e Hoxhës.

45’ Duro bën zëvendësimin e parë. Largohet Lukas Ramos, për t’i lënë vendin Zulfiut.

Starton pjesa e dytë!

Mbyllet pjesa e parë!

42’ Mundësi e mirë për Laçin, me Mzrekajn që kroson nga e majta për Deliun, por ky i fundit gjuan keq me kokë.

<

15’ Lushkja provon nga rreth 25 metra, Frashëri devijon në korne.

14’ Mentor Mazrekaj tenton me një të djathtë të fuqishme nga jashtë zone, topi shkon në duart e Frashërit.

9’ Dejvi Bregu lëviz mirë në krahun e majtë, e më pas godet fluturimthi nga brenda zonës me të djathtën, por Sherri grushton dhe topi shkon te Lorenco Vila, që devijon me kokë dhe portieri i Laçit pret i sigurtë.

6’ Mundësi e mirë për Laçin me Mazrekajn aq pason te Shehu, i cili në hyrje të zonës provon me të djathtën, por ndal Asion Daja, që largon rrezikun.

Starton sfida, 20 minuta me vonesë!

FORMACIONET ZYRTARE:

LAÇI: Sherri; Malota, Ignjatoviç, Obanor; Deliu, Lushkja, Lukas Ramos, Musta; Shehu; Xhixha, Mazrekaj, Trajner: Shpëtim Duro.

TEUTA: Frashëri, Todorovski, Hoxha, Arapi, Xhekson, Aleksi, Daja, E. Vila, L. Vila, Bregu, Gruda. Trajner: Edi Martini.