Tetë shqiptarë në fushë, derbin e kapitenëve kuqezinj e fiton… Abrashi
Grasshopersi i Amir Abrashit mposhti me rezultatin 2-1 Bazelin e Taulant Xhakës, në derbin e kapitenëve shqiptarë. Të dy futbollistët e Kombëtares shqiptare mbanin shiritin në krah për skuadrat respektive, teksa në fund ai që festoi ishte Abrashi.
Interesant është fakti se përveç tyre, në fushën e lojës u aktivizuan edhe plot 6 futbollistë të tjerë me origjinë shqiptare.
Bëhet fjalë për Kamerin dhe Florian Hoxhën në radhët e Grasshopers dhe Avdullahun, Kolollin, Kacurin dhe Albian Ajetin te Bazeli.
Për sa iu përket golave, të 3 u shënuan në pjesën e parë. Momoh dhe Morani ishin autorët për Grasshopers dhe Shmid për miqtë e Bazelit.
Falë këtij triumfi ekipi i kapitenit Abrashit barazoi me pikë në renditje ekipin e kapitenit Xhaka.
PANORAMASPORT.AL
NDIQE LIVE "PANORAMA TV"