Polemikat në distancë mes ish-sekretarit të FSHF-së, Eduard Prodani, dhe mbrojtësit të Teutës, Tefik Osmanit vazhdojnë. Pak javë më parë, pas ndeshjes mes Teutës dhe Partizanit, ishte Eduard Prodani që në disa komente, e cilësonte stadiumin e Durrësit si të vdekur, dhe vetëm pse shkoi Partizani, u mbush, dhe lojtarët filluan të luanin edhe fort ndaj “demave”.

Ndërkohë, edhe ditën e sotme, përsëri Prodani ka ngacmuar Osmanin, ku në një foto gjatë ndeshjes mes Teutës dhe Laçit një ditë më parë, ka kapur një moment ku duket se stadiumi nuk është aq plot i mbushur.

“Kërkoj falje për komentin e nxituar që bëra për stadiumin e Durrësit në ndeshjen me Partizanin…” – shkruan me ironi Prodani, teksa në foto ka etiketuar edhe Tefik Osmanin.

NDIQE LIVE "PANORAMA TV"

---