Liga e Europës luan sot ndeshjet e kthimit të fazës 1/16, me skuadrat që kërkojnë një biletë për në çerekfinalet e turneut të dytë për nga rëndësia në Europë. Por duke parë emrat e ekipeve që janë në garë, ky aktivitet në edicionin aktual ka marrë një rëndësi më të madhe se në vitet e kaluara.

Sot në fushë do të jetë Milani, i cili pasi ka fituar me shifrat 3-1 në ndeshjen e parë, do të zbresë në fushë në Pragë për t’u përballur me Slavian vendase. Nuk do të jetë e lehtë, pasi çekët treguan se mund të godasin prapavijën kuqezi, ndaj pritet një duel i ndezur.

Detyra më të lehta kanë skuadra si Olimpik Marseja, Roma e Liverpuli, që kanë siguruar fitore të pastra në ndeshjet e para të tyre. Pak më e vështirë do të jetë puna e Bajer Leverkusen i cili përballë Karabak të Xhixhës thuajse regjistroi humbjen e parë të sezonit në javën e kaluar.

Në fushë zbresin edhe Berat Gjimshiti me Atalantën, ashtu si edhe Qazim Laçi me Spartën e Pragës, e cila luan nëj duel prestigji në “Anfield” ndaj Liverpulit.

NDESHJET

Ora 18:45

Slavia Pragë-Milan (2-4)

Vijareal-Olimpik Marsejë (0-4)

Rejnxhërs-Benfika (2-2)

Uest Hem-Frajburg (0-1)

Ora 21:00

Atalanta-Sporting Lisbonë (1-1)

Brajton – Roma (0-4)

Liverpul-Sparta Pragë (5-1)

Bajer Leverkusen-Karabak (2-2)

*Në kllapa rezultatet e ndeshjeve të para

PANORAMASPORT.AL

NDIQE LIVE "PANORAMA TV"

---