Kryendeshja Kukësi-Skënderbeu, ja kur do të luhet java e 22-të e Kategorisë Superiore
Java e 22-të e Kategorisë Superiore do të luhet në mesjavë, ditë e mërkurë dhe ditën e enjte.
Kjo javë ofron një supersfidë, atë midis Kukësit dhe Skënderbeut. Vitin e kaluar kjo ishte një sfidë për titull, ndërsa këtë sezon Kukësi i ka humbur shpresat për titull dhe po mendon për Evropën.
Të dyja ekipet do kërkojnë trepikshin që do tu bënte shumë punë, Kukësit për të arritur vendin e dytë dhe Skënderbeut për tu shkëputur edhe më shumë.
Sfidat janë parashikuar të luhen në orën 14:00 dhe në orën 17:00. Tre sfidat e orës 14:00 do të jenë Kukësi-Skënderbeu, Kamza-Teuta dhe Laçi-Vllaznia.
Ndërkohë, në orën 17:00 do të luhet Partizani-Lushnja.
Takimi Flamurtari-Luftëtari është parashikuar të luhet ditën e enjte, ora 17:00.
NDIQE LIVE "PANORAMA TV"