Majk Tajson do të mbetet në histori si një nga boksierët më të mirë. Kampion bote dhe ekspert i nokautit të shpejtë. Një luftëtar i ashpër, imponues, me një vështrim vrasës dhe grushta hekuri. Në librin e tij autobiografik Tajson tregon për rritjen në mes kriminelëve:

“Fëmijëria ime ishte si ajo e kujtdo që lindi në një lagje të varfër në SHBA. Nuk kishim para dhe asnjë shpresë. U arrestova shumë herë, isha i përfshirë në episodet e dhunës, drogës dhe alkoolit, Unë kam qenë në një bandë. Kam pasur armë, kam qëlluar njerëz. Ata më kanë qëlluar mua dhe gjithçka ka ndodhur. Unë jam rritur pa babanë tim, me nënën time, që ishte një punëtore seksi.

Ne u poshtëruam, kurrë nuk kishim krenari në familjen tonë, askush nuk e dinte kush ishim. Që kur isha 12-vjeç, vetëm më mësuan të rrihja njerëz, t’i rrëzoja, t’i poshtëroja, ta thyeja vullnetin e tyre, t’u tregoja se isha më i mirë se ata, se isha më i mirë se të gjithë të tjerët. Një fëmijë i frikësuar dhe i pasigurt. Unë nuk e kisha idenë se çfarë po bëja, por ndihesha mirë. Të gjithë më thanë se isha duke bërë mire. Kjo më bëri tiran, që nuk kisha respekt për asgjë”.

Tajson u dënua në vitin 1992 me gjashtë vite burg dhe 30.000 dollarë si kompensim. Ai u akuzua për përdhunim nga Desiree Uashington, të një vajze 18-vjeçare. Kampioni i boksit u la i lirë pas tri vitesh e tetë muajsh burg për sjellje të mirë. Tajson i është referuar edhe këtij episodi me raste duke treguar: “Si mund të dhunosh seksualisht dike, që vjen në dhomën tuaj të hotelit në orën dy të mëngjesit?” Gjatë qëndrimit në burg, ish-boksieri tregon se ka bërë shumë seks sa është lodhur.

“Në burg kam bërë aq shumë seks, sa jam lodhur. Madje, nuk kam pasur forcë të shkoj në palestër. Unë qëndroja vetëm në qeli, tërë ditën”, – kujtoi në librin e tij autobiografik. Aty rrëfeu edhe lloje të tjera të mendimeve: “Ndonjëherë fantazoj për mundësinë e fryrjes së trurit të dikujt, në mënyrë që të mund ta kaloj pjesën tjetër të jetës time në burg”.

Konsumi i zgjatur dhe i vazhdueshëm i narkotikëve e bëri që të kishte mendime vetëvrasëse: “Ishte një mbidozë e drogës. Unë thjesht bëra gjëra të çmendura, nuk e di se si zgjohesha ditën tjetër. Madje, kam menduar për të kryer vetëvrasje”, – tha Tajson në një paraqitje para mediave, më 2013.

PANORAMASPORT.AL

NDIQE LIVE "PANORAMA TV"

---