Laçi është vënë në kërkim të një portieri me përvojë, në mënyrë që të shtojë konkurrencën me Marjo Dajsinanin. Pas largimit të Alen Sherrit, është bërë e nevojshme afrimi i një “gardiani” tjetër që jep siguri.

“Panorama Sport” ka mësuar se kurbinasit po interesohen për portierin e Tërbunit, Klajdi Kuka, i cili në sezonin e shkuar bëri një paraqitje pozitive.

32-vjeçari ka qenë vjet një nga portierët më të mirë në Kategorinë e Parë, ku me lojën e tij dhe pritjen e disa penalltive, u dha siguri pukjanëve, që luftuan deri në fund për të siguruar një biletë ngjitjeje në Superiore.

Mbetet për t’u parë se cili do të jetë përfundimi i bisedimeve, ku padyshim, me afrimin e Kukës, porta e Laçit do të “blindohej”, por do të dobësoheshin pukjanët.

DITMIR PEMA – PANORAMASPORT.AL

NDIQE LIVE "PANORAMA TV"

---