Besa thjesht respekton garën dhe aktivizon lojtarë të rinj. Kupa për kavajasit nuk është fare në objektivat që kanë. Verdhezinjtë janë mundur dje në fushën e tyre nga Laçi me rezultatin 3-1 në takimin e parë të turit të parë eliminator të Kupës. Kurbinasit zbritën në fushë me formacionin e tyre më të mirë, ndërsa në krahun tjetër Besa hodhi në fushë një ekip me lojtarë të stolit. Ishin shumë lojtarë si Arkaxhiu, Efica, Puja, Rroci, Kapidani, Xhihani e tjerë që debutuan me Besën.

Ndeshja

Ka qenë një pjesë e parë ku përvojës së laçianëve iu kundërvu rinia dhe angazhimi i lojtarëve të rinj kavajas. Falë kësaj lufte, loja thuajse ishte e barabartë dhe sulmuesit laçianë Kruja e Vuthaj u mbajtën larg portës. Besa, nga ana e saj, ishte e pafuqishme të shqetësonte portierin Brahimaj, por bëri atë që dinte më mirë, bllokoi dhe frenoi lojën e miqve. Gjatë kësaj pjese, Laçi nuk rrezikoi dhe duhej “perla” e Arsid Krujës nga rreth 25 metra që të gjente rrugën e rrjetës. Në pjesën e dytë, përvoja e miqve do të ndihej dhe ashtu ndodhi. Pak lodhja e pak mungesa e përvojës, kavajasit nuk rezistuan dot dhe Laçi tregoi vlerat e përvojën e tij. Ishte Nimani që i dyfishoi shifrat në minutën e 58-të. Po ky lojtar i vidhet bukur mbrojtjes e në minutën e 72-të, në një kënd tejet të vështirë, arrin falë klasit të tij të shënojë dopietën e tij dhe golin e 3-të për miqtë. Besa ndihet e dorëzuar dhe duhej pritur një veprim fantastik i Alaidin Sallakut për t’i kënaqur disi tifozët në stadium. Sulmuesi verdhezi merr një top nga rreth 30 metra dhe kalon tre mbrojtës miq, sheh daljen e portierit dhe kalon me një parabolë topin në rrjetë.

BESA-LAÇI 1-3
GOLAT: Sallaku 79’/ Kruja 39′, Nimani 58′, 72′ BESA: Arkaxhiu (Puja 46′), Boriqi, Myrtollari, A.Kullolli, Leka (Xhihani 46′), Hoxha (Rroci 46′), Efica, Colla, Sallaku, Brahimaj, Kapidani.
Trajner: D.Bubeqi
LAÇI: Selmani (Sherifi 75′), Sheta, Buljan, Musaj, Ndreca, Veliaj (Bardhi 46′), Iseni, Gocaj (Nimani 54′), Kruja, Bardhi, Vuthaj.
Trajner: A.Cungu
KARTONË TË VERDHË: Kapidani 26′, Buriqi 41′, Sheta 86′
GJYQTARË: E.Halo (Memaliaj), E.Pashaj (Tepelenë), E.Nelaj (Gjirokastër)
VËZHGUES: F.Koreshi (Lushnjë)
DELEGAT: S.Kallesh

KUPA E SHQIPËRISË
TURI I PARË
GRUPI A
Tomori-Skënderbeu 0-3
Olainka 55′, Dema 59′, 70′
Korabi-Partizani 0-5
Plaku 8′, 35′, Morini 42′, Doçi
45+1′ (autogol), Ibrahimi 68′
(11-m)
Besa-Laçi 1-3
Sallaku 79′ / Kruja 39′, Nimani
58′, 72′
Pogradeci-Vllaznia 1-1
Çekiçi 82′ / Kdouh 18′
Shkumbini-Apolonia 2-2
Lluca 79′, Isai 90+3′ (11-m) /
Andoni 2′, Fili 74′
Dinamo-Bylis 0-1
Kalheira 85′
Luftëtari-Lushnja 0-1
Allkanjari 30′
Sopoti-Butrinti 5-0
Bërdufi 25′, 39′, 79′, Jaupaj
28′, 74′
GRUPI B
Naftëtari-Kukësi 3-1
Kopaçi 20′, 58′, Behari 65′ /
Gucaj 4′ (aut)
Erzeni-Tirana 0-1
Kadriu 78′
Orikumi-Flamurtari 1-2
Nurçe 55′ / Zeqiri 5′, Bregu 88′
Ada-Teuta 1-5
Kim 68′ / Lukiç 8′, Gripshi 22′,
40′, Hyka 45′, 85′
Kamza-Elbasani 4-2
Gjini 24′, 90+2′, Blloku 51′,
Ymeri 56′ / Luta 19′, Shehaj 74′
Burreli-Terbuni 0-0
Kastrioti-Besëlidhja 1-0
Malo 39′ (11-m)
Iliria-Mamurrasi 1-0
Doçi 90′
*Ndeshjet e kthimit luhen më
30 shtator

NDIQE LIVE "PANORAMA TV"

---