Kristjan Asllani ndodhet me Interin në Gjermani për fazën përgatitore. Zikaltërit vendosën ta huazonin në sezonin e kaluar, fillimisht te Torino dhe më pas te Beshiktashi. Mesfushori shqiptar ka mbetur në shifrën e 99 ndeshjeve me Interin.

Një thashetheme tjetër po qarkullon në këtë merkato. Dhe bëhet fjalë për arsyen përse Interi kërkon me ngulm që Asllani të shitet pa luajtur asnjë ndeshje tjetër.

Ishte vera e vitit 2022, kur Interi e huazoi nga Empoli me detyrim blerjen. Pas një sezoni u paguan rreth 15 milionë euro tek Empoli për kartonin e tij, ndëra po ashtu kishte edhe bonuse në kontratë.

Dhe pikërisht bonusi i madh që përflitet është 5 milionë euro, nëse Asllani plotëson 100 paraqitje me fanellën e Interit. Nëse kjo është e vërtetë, atëherë ndeshja e radhës zyrtare e Asllanit do të detyronte Interin që të paguante edhe 5 milionë euro.

Kjo është një arsye e fortë, përse kampionët e Italisë nuk e konsiderojnë aspak qëndrimin e mesfushorit. Deri tani është konfirmuar vetëm se nuk qëndron në planet e trajnerit Kivu.

EMANUEL LOCI-PANORAMASPORT.AL

---