Flamurtari duket tepër aktiv në këtë merkato vere. Kuqezinjtë që do të drejtohen nga trajneri Oltjon Kërnaja, kanë zyrtarizuar së fundmi afrimin e katër talenteve nga Akademia, të cilët kanë firmosur kontrata 4-vjeçare, teksa shihen një garanci për të ardhmen.

Bëhet fjalë për portierin Fjoraldo Bejdollari, mbrojtësin, Hizdion Sulejmani, mesfushorin Bjori Doku dhe sulmuesin Gazmend Llajaja.

POSTIMI ZYRTAR I FLAMURTARIT:

Flamurtari zyrtarizon katër talente nga Akademia

Flamurtari F.C. vazhdon t’i japë rëndësi zhvillimit të talenteve të rinj, duke promovuar në ekipin e parë katër futbollistë të dalë nga Akademia kuqezi, të cilët kanë firmosur kontrata afatgjata me klubin.

Lojtarët e promovuar:

• Hizdion Sulejmani – Mbrojtës

• Gazmend Llajaj – Sulmues

• Bjori Doku – Mesfushor

• Fjoraldo Bejdollari – Portier

Të katër lojtarët kanë firmosur kontrata 4-vjeçare, duke konfirmuar besimin e klubit te potenciali i tyre dhe projekti afatgjatë me Akademinë e Flamurtarit.

Ky promovim është dëshmi e punës së vazhdueshme të Akademisë së Flamurtarit dhe e filozofisë së klubit për të ndërtuar të ardhmen mbi talentet vendase.

Klubi u uron mirëseardhje në ekipin e parë dhe shumë suksese në rrugëtimin e tyre me fanellën kuqezi!

PANORAMASPORT.AL

---