Në fushë, grupi ka pasur lajme pozitive një ditë para sfidës me Dinamon. Emanuel Ernest është bashkuar me skuadrën, duke hedhur pas dëmtimin që e mbajti jashtë përballjes me Egnatian.Rikthimi i tij i jep më shumë alternativa repartit ofensivë dhe rrit konkurrencën në vijën e parë. Ndërkohë, Henry Marku është stërvitur por nuk është gati dhe Rimal Haxhiu vazhdojë të jenë jashtë për shkak dëmtimi dhe do të mungojnë edhe në këtë ndeshje, duke kufizuar zgjedhjet e trajnerit në disa reparte.

XHIXHA – Vëmendje e veçantë i është kushtuar situatës së Redon Xhixhës. Sulmuesi vazhdon të jetë i pamundur. Gjithçka tregon se aktivizimi i tij ndaj Dinamos ditën e shtunë është pothuajse i pamundur, ndërsa me shumë gjasa ai do të ruhet për sfidën e Kupës. Megjithatë, stafi mjekësor do të bëjë vlerësimet përfundimtare gjatë, për të qartësuar nëse lojtari mund të rikthehet me Dinamon.

FORMACIONI – Sa i përket aspektit taktik, Nuhiju po punon intensivisht mbi skemën 5-3-2, një rreshtim që synon të garantojë më shumë siguri në prapavijë dhe balancë mes reparteve. Në portë pritet të konfirmohet Tafas, ndërsa linja e mbrojtjes do të përbëhet nga pesë lojtarë, Vera dhe Ndong në krahët, me Lleshin, Halilin dhe Kortezin në qendër. Në mesfushë, trinomi Rafael–Mysloviç–Vogli pritet të kenë rol kyç në ndërtimin e lojës dhe thyerjen e aksioneve të kundërshtarit. Ndërkohë, në sulm, Tabeku dhe Ernest(me kavilje të ënjtur) ose Tare shihen si dyshen më e mundshme për të udhëhequr repartin ofensiv.

E KALUARA E AFËRT – Me disa mungesa, por edhe me rikthime të rëndësishme, Tirana synon të paraqitet sa më konkurruese ndaj Dinamos. Ndeshja e së shtunës shihet si një test i fortë karakteri për bardheblutë, të cilët kërkojnë të reagojnë dhe të rikthehen në mesin e tabelës. Ndaj Dinamos, Tirana ka dy humbje me një golavarazh 8-3. Bardheblutë kërkojnë pikën e parë në derbin me blutë.

PANORAMASPORT.AL

---