Partizani ka mposhtur Egnatian me rezultatin 1-0 në “Arena e Demave”. Sfida e javës së 34-t në Superiore u vendos nga goli i Kekos. Ky i fundit shënoi nga penalltia që fitoi Kote në pjesën e dytë. 

 

Sfidës nuk i mungoi tensioni, por në fund 3 pikët i buzëqeshën Partizanit. “Demat” mbeten në zonën e Final Four me 1 pikë më tepër se Elbasani.

Egnatia, pavarësisht formës së keqe në ndeshjet e fundit, vazhdon e pashqetësuar në vendin e parë. Skuadra e Tetovës numëron 3 pikë më tepër se Dinamo dhe Vllaznia.

REZULTATI PËRFUNDIMTAR

PARTIZANI 1-0 EGNATIA

62′(p) Keko

NGJARJET KRYESORE

90+6′ Mbyllet ndeshja me fitoren e Partizanit, 1-0.

90+4′ Karton i verdhë për Qirkon.

90+2′ Janjeva ndëshkohet me karton të verdhë.

90′ Akordohen 4 minuta shtesë.

87′ Leo Melo merr vendin e Alijev tek Egnatia.

86′ Egnatia pranë barazimit me Lushkjan. Traversa e ndal sërish. (VIDEO)

84′ Domgjoni shtrëngon dhëmbët për shkak dëmtimi. Egnatia ka pretendime për penallti. (VIDEO)

75′ Guindo merr vendin e Bakajoko tek Egnatia. Kote dhe Eleke largohen, futen Janjeva dhe Padstrelau.

72′ Eleke nuk ia del të kontrollojë topin e dhënë nga Bintsuka. Kundërsulm i rrezikshëm nga vendësit.

68′ Jahaja merr vendin e Kasës tek Egnatia.

66′ Lushkja pranë supergolit, por traversa ia mohon. (VIDEO)

66′ Aleksi ndëshkohet me karton të verdhë.

62′ GOOOL! Partizani 1-0 Egnatia/ Keko kalon “demat” në avantazh nga penalltia. Ishte Kote që fitoi 11-metërshin në “Arena e Demave”. Kjo është edhe penalltia e parë që shënohet në kampionat nga kryeqytetasit. (VIDEO) + (VIDEO)

61′ Karton i verdhë për Lushkjan që proteston.

56′ Keko rrezikon kartonin e dytë të verdhë dhe rrjedhimisht atë të kuq. (VIDEO)

55′ Miqtë largojnë topin nga zona pas harkimit nga goditja e dënimit. (VIDEO)

53′ Partizani zhvendoset në mesfushën e Egnatias gjatë pjesës së dytë. Sërish mungojnë goditjet drejt portës.

46′ Nis pjesa e dytë.

45+5′ Mbyllet pjesa e parë me rezultatin 0-0.

45+2′ Fangaj ndëshkohet me karton nga Hamiti.

45′ Akordohen 2 minuta shtesë.

39′ Eleke nuk arrin të godasë në momentin e fundit. Dajsinani kontrollon topin. (VIDEO)

33′ Egnatia vazhdon të ketë kontrollin e lojës.

23′ Karton i verdhë për Fernandon nga Egnatia. Nga Partizani ndëshkohet Keko.

20′ Kote harkon nga këndorja. Gjuajtja e Domgjonit përfundon jashtë. (VIDEO)

20′ Alijev largon topin e harkuar nga Ismaili. Goditje këndore për Partizanin.

18′ Egnatia mbetet përpara duke pasur kontrollin e lojës. Mungojnë rastet e rrezikshme.

13′ Zeka i lë vendin Bintsukës, pasi nuk ia del i dëmtuar.

11′ Zeka ka nevojë për ndihmën e stafit mjekësor.

10′ Kote godet me kokë pas harkimit të Zekës. Dajsinani pret pa problem. (VIDEO)

7′ Egnatia qarkullon topin në minutat e para.

1′ Nis ndeshja në “Arena e Demave”.

FORMACIONET ZYRTARE

PARTIZANI: Qirko, Buxhelaj, Domgjoni, Preka, Bytyçi, Ismaili, Mehmeti, Kote, Keko, Eleke, Zeka

Trajner: Skënder Gega

Egnatia: Dajsinani, Dylys, Alijev, Fangaj, Fernando, Aleksi, Zejnullai, Ujka, Kasa, Bakajoko, Lushkja

Trajner: Edlir Tetova

GJYQTARËT

Arbitër kryesor:  Eldorjan Hamiti

Asistent arbitër i 1-rë: Ilir Tartaraj

Asistent arbitër i 2-të: Elvis Gjoka

Arbitri i katërt: Ditmir Grimci

VAR: Indrit Myrtja

PANORAMASPORT.AL

---