Për sfidën e rëndësishme ndaj Flamurtarit, Tirana po përballet me disa shqetësime në përbërjen e saj. Trajneri Orges Shehi ka dy lojtarë në dyshim: Redon Xhixha dhe Serzh Tabeku. Sulmuesi Tabeku ndodhet në formë të mirë dhe me shumë gjasa do të jetë i gatshëm për të udhëtuar drejt Vlorës dhe për të kontribuar në fushë.

Ndërkaq, problemi kryesor mbetet Redon Xhixha, i cili ka probleme në kavilje dhe duket e vështirë që të jetë i gatshëm për këtë sfidë. Në ndeshjen e fundit me Vlorën, Xhixha luajti vetëm 18 minuta në pjesën e dytë, por arriti të shënojë dy gola, duke treguar ndikimin e tij të madh në momente kyçe. Trajneri Shehi shpreson që ai të mund të përsërisë performancën e shkëlqyer edhe ndaj Flamurtarit, nëse do të jetë i gatshëm.

Për Tiranën, kjo sfidë ka rëndësi jo vetëm për pikët, por edhe për moralin e skuadrës dhe ritmin e lojës në fazën finale të kampionatit. Stërvitjet intensive të javës, pa pushime dhe pa ndeshje miqësore, tregojnë përkushtimin e ekipit për të qenë maksimalisht i përgatitur. Me lojtarët kryesorë në dispozicion dhe strategjinë e duhur, Shehi shpreson që Tirana të shfaqë një paraqitje të fortë dhe të rikthejë pozitivitetin te tifozët.

PANORAMASPORT.AL

---