Te Partizani po presin me shpresën që do të arrijnë akordin me Zoran Zekiç. Kanë kaluar 25 ditë që të kuqtë janë pa trajner, më saktë qëkur Oltijon Kërnaja u largua.

Zekiç ndërkohë është përfolur edhe te Sarajevo. Nga dje ka përfunduar zyrtarisht edhe angazhimi i tij si eskpert në studio për futbollin kroat.

Në intervistën e tij të fundit është shprehur se po bëhet gati të komentojë Botërorin. Aty ku Kroacia është pjesë.

Interesante do të jetë nëse Partizani e bind për t’u rikthyer në Shqipëri dhe për të lënë pas planet për Botërorin. Kështu kjo javë mund të jetë vendimtare.

Fakt është drejtuesit e Partizanit kanë punuar gjatë kësaj kohe për të ardhmen e disa lojtarëve. David Atanaskoski ka firmosur kontratë 2-vjeçare, ndërsa për Albion Markun dhe Marçelino Prekën janë aktivizuar opsionet e rinovimit. Si Preka dhe Marku duhet të qëndrojnë jashtë edhe për disa kohë për shkak dëmtimi.

Vusal Isgandarli dhe Amos Nondi ndërkohë janë larguar. Zhvillime të tjera priten në vazhdim.

EMANUEL LOCI-PANORAMASPORT.AL

---