Elhan Kastrati ka ndarë rrugët me Eintraht Braunshveig. Lajmi i papritur është njoftuar nga vetë portieri i Kombëtares shqiptare.

“Faleminderit shumë, tifozë të dashur. Ju jeni shpirti i këtij ekipi. Ju uroj shumë suksese, sepse i meritoni. Njëherë ‘Luan’, përgjithmonë ‘Luan’”, shkruan Kastrati.

29-vjeçari e pati eksperiencën e parë në Gjermani. Aventura nuk shkoi si duhet në sezonin e vetëm, pasi luajti vetëm dy ndeshje në Bundesligën 2.

Kastrati ishte pjesë e akademisë së Teutës. Më pas provoi eksperienca si i huazuar në Itali, derisa u kthye te Teuta. Në Durrës nuk mori minuta.

Kastrati u transferua përfundimisht në Itali ku luante që nga viti 2018 deri në verën e kaluar. Gjatë kësaj kohe fitoi edhe ftesën e Kombëtares shqiptare.

PANORAMASPORT.AL

---