Dinamo do të përballet të shtunën me Egnatian në stadiumin “Air Albania”, aty ku do të synojë që të marrë 3 pikët e plota për të hedhur një tjetër hap të madh drejt “Final 4”.

Gjendja e skuadrës te blutë nuk është më e mira e mundshme duke qenë se ka mungesa të shumta, megjithatë lajmi i mirë vjen për Bernard Berishën i cili ka lënë pas dëmtimin e tij dhe është gati për takimin e radhës. Ndërkohë, Guindo që edhe ndaj Flamurtarit mori minuta, tashmë është në gjendje të mirë fizike, ashtu si edhe Aliji e Neziri që vijnë nga dëmtime.

MUNGESAT- Dëmtimet janë kthyer në problem për blutë pasi Mustafa dhe Lorran janë ende jashtë ndërkohë që probleme ka edhe për Teikseirën. Mbrojtësi ka nisur rikuperimin e tij por nuk është në gjendjen më të mirë dhe me shumë gjasa do të lihet pushim në takimin e radhës ndaj Egnatias në kampionat. Sa i përket Ditës e Vilës, të dy janë jashtë për shkak se kanë plotësuar numrin e kartonëve dhe do të rikthehen vetëm ndeshjen e radhës ndaj Vorës në kampionat.

BILETAT- Klubi i Dinamos ka nxjerrë në shitje edhe biletat për ndeshjen e radhës ndaj Egnatias dhe sërish këtë herë është hapur vetëm tribuna ballore e cila kushton 1 mijë lekë, dhe ajo pas porte për tifozerinë mike që ka çmimin e 500 lekëve. Sa i përket biletave në tribunën qendrore, çmimet janë 2 mijë lekë.

PANORAMASPORT.AL

---