Java e 7 e Superiores është mbyllur me dy ndeshjet e të dielës që kanë dhuruar rezultate të cilat kanë qenë të rëndësishme për të dy kahet e klasifikimit.

Vora ka mundur Elbasanin dhe ka frenuar kësisoj një tjetër ndjekës të Vllaznisë kryesuese. Njëkohësisht, skuadra e drejtuar nga Arjan Bellaj largohet nga zona e ftohtë dhe u afrohet më shumë skuadrave që pretendojnë për katërshen e parë.

Ndërkohë, fitorja e Partizanit ndaj Flamurtarit ka larguar të kuqtë nga fundi, ndërsa ka zhytur edhe më shumë vlonjatët në vendin që mbyll tabelën e klasifikimit në një krizë që nuk po gjen zgjidhje as me ndërrimin e trajnerit.

PANORAMASPORT.AL

---