Adri Mehmeti është padyshim talenti që Shqipëria duhet të rikthejë. “Transfermarkt”, një faqe me ndikim dhe e specializuar për vlerësimet e lojtarëve në treg, ka ndryshuar vlerën e Mehmetit.

17-vjeçari tashmë vlerësohet plot 6 milionë euro, që është dyfishi i shifrës së mëparshme. Automatikisht bëhet lojtari i dytë në listën e Nju Jork në MLS. Po ashtu renditet i 29-ti ndër lojtarët që aktualisht janë në Amerikë.

Rritja e jashtëzakonshme në vetëm një sezon, bën që të jetë ndër futbollistët më të vlerësuar të datëlindjes 2009. Më konkretisht tani mban vendin e gjashtë, pas yjeve që luajnë në klubet e Europës.

Douman është i pari, më pas ndjekin Skuirel, Monga, Madjo, Munongo dhe Mehmeti. Mesfushori regjistronte paraqitje me Shqipërinë U-15, para se SHBA ta merrte në gjirin e saj. Nëse do të ishte aktualisht pjesë e kuqezinjve, do të bëhej futbollisti i pestë më i vlerësuar në treg pas Anis Mehmetit, Asllanit, Muçit dhe Dakut.

Në merkaton e verës mund të ndryshojë ekip për shkak të interesit nga Europë. Padyshim që rritja e ndihmon për më tepër vëmendje.

EMANUEL LOCI-PANORAMASPORT.AL

---