Aleksandër Zverev ka kaluar në finalen e “Roland Garros”, duke mposhtur Jakub Mensik në katër sete me rezultatin 7-5 6-2 3-6 6-3, pas tre orësh lojë. Numri tre në renditjen ATP, ende në kërkim të titullit të tij të parë Grand Slam, do të përballet në finale me Flavio Kobolin, i cili kaloi në aktin final pas tërheqjes së Mateo Arnaldit.

Seti i parë zgjati rreth një orë dhe pa Zverev të realizojë “break”- un vendimtar në lojën e 11-të, pasi më herët kishte shpëtuar tre topa për “break”. Seti i dytë kaloi më shpejt, teksa gjermani e fitoi në pak më shumë se gjysmë ore, pasi i mori shërbimin kundërshtarit në lojën e tretë dhe të shtatë, duke e mbyllur 6-2.

Mensik reagoi në setin e tretë, duke shfrytëzuar të vetmen mundësi për “break” në lojën e gjashtë dhe duke e rihapur ndeshjen. Por Zverev u rikthye fuqishëm, duke kaluar menjëherë në avantazh 3- 0 dhe duke ruajtur epërsinë në setin e katërt, për ta mbyllur ndeshjen në fillim të orës së katërt të lojës. Finalja ZverevKoboli do të zhvillohet të dielën në orën 15:00.

PANORAMASPORT.AL

---