Federata Shqiptare e Futbollit ka nxjerrë sot në shitje biletat për dy ndeshjet gjysmëfinale të fazës “Final Four” që do të zhvillohen në stadiumin “Arena Kombëtare”.

Ndeshja mes Vllaznisë dhe Dinamos do të zhvillohet më datë 4 maj në orën 20:00, ndërsa ajo mes Egnatias dhe Partizanit do të zhvillohet më datë 5 maj po në të njëjtën orë. Çmimet e vendosura nga FSHF janë nga 500 lekë, deri në 4000 lekë në varësi të tribunave.

Por bie në sy se në portalin ku shiten këto bileta, është në dispozicion të publikut vetëm pjesa e poshtme e stadiumit, pasi pjesa e sipërme nuk është nxjerrë në shitje nga institucioni i futbollit që me sa duket nuk pret një fluks aq të madh tifozësh për këto dy sfida sa për të mbushur impiantin kryeqytetas.

PANORAMASPORT.AL

---