Brazili përmbysi Japoninë me shifrat 2-1 dhe kalon në raundin tjetër të Kupës së Botës.

Pjesa e parë foli për “Samurain Blu” të cilët gjetën edhe golin e avantazhit në minutën e 29’ me Sano. Brazili nuk prodhoi raste flagrante dhe kështu u mbyllën 45 minuta.

Në të dytën gjithçka ndryshoi për “Seleçao” ku pas dy tentativa për të shënuar gol, shfaqet Kasemiro i cili tund rrjetën e Suzukit për të barazuar shifrat.

Lojtarët e Ançelotit u shfaqën më kërkues për golin, si Vinicius ashtu dhe Kunja. Gjithçka dukej se do të shkonte në shtesë, kur Martineli realizoi golin e përmbysjes në minutën e 95’.

Festa më pas ishte e gjitha për Brazilin ndërsa dëshpërimi shkoi për Japoninë.

BRAZIL 2-1 JAPONI

56′ Kasemiro, 90’+5′ Martineli/ 29′ Sano

NGJARJET KRYESORE

90’+ 5′ GOOOL BRAZILI 2-1/ Bruno Guimaraesh është në një pozicion të mirë për të gjuajtur, por ai e sheh shokun e tij të skuadrës dhe ia pason topin. Gabriel Martineli e kap bukur topin dhe e mposht portierin me një gjuajtje të saktë e cila përplaset në pjesën e poshtme të shtyllës së djathtë për të përmbysur shifrat! (VIDEO)

90’+2′ Kasemiro le fushën i dëmtuar, aktivizohet Fabinjo.

90′ Akordohen 6 minuta shtesë!

59′ Vinicius Zhunior shmang mbrojtësit dhe gjuan drejt këndit të poshtëm të djathtë, por Zion Suzuki realizon një pritje të mrekullueshme për ta devijuar topin në shtyllë. (VIDEO)

56′ GOOOL BRAZIL 1-1/ Gabriel i jep Kasemiros detyrën më të thjeshtë nga afër pas një krosimi perfekt dhe ai nuk gabon me goditjen me kokë që shkon në portë. (VIDEO)

54′ Kasemiro provon të shënojë me kokë, por ndalet nga një mbrojtës dhe portieri. (VIDEO)

52′ Zion Suzuki realizon një pritje fantastike! Pas një krosimi të saktë në zonë, Bruno Guimaraesh përpiqet të shënojë me kokë drejt portës së sipërme, por gardiani e nxjerr topin jashtë. (VIDEO)

46′ Lukas Paketa qëndron në dhomën e zhveshjes për shkak të dëmtimit, ka minuta për Endrik. Nis pjesa e dytë!

45’+5′ Mbyllet pjesa e me avantazhin e Japonisë!

45′ Akordohen 4 minuta shtesë.

38′ Kunja godet nga distanca e largët, por gjuajtja e tij e ulët u drejtua drejt mesit të portës, ku Suzuki ishte i vëmendshëm dhe bëri një pritje të lehtë. (VIDEO)

34′ Vinicius Zhunior i afrohet zonës dhe gjuan, por Zion Suzuki nxiton dhe e pret topin. (VIDEO)

29′ GOOOL JAPONIA 0-1/ Sano kalon kundërshtarët dhe lëshon një gjuajtje të mrekullueshme nga buza e zonës në këndin e poshtëm të majtë për të mposhtur portierin Alison Beker. (VIDEO)

14′ Mateus Kunja lëshon një gjuajtje të shpejtë nga buza e zonës, por Suzuki e ndal me një pritje të mirë. (VIDEO)

1′ Starton sfida!

FORMACIONET ZYRTARE

PANORAMASPORT.AL

---