Flamurtari nuk është treguar mjaft aktiv në hyrje gjatë merkatos së janarit, ndërsa disa emra me peshë janë larguar. Vetëm Momcilo Raso  dhe Leo Melo deri tani nuk plotësojnë grupin e nevojshëm për Françesko Morieron, kështu do të ketë transferime të tjera.

Së fundmi del në skenë Xhekson Kenio. Braziliani ishte i njohur tek Egnatia ku mbajti shiritin e kapitenit dhe më pas u raportua shitja 400 mijë euro.

26-vjeçari është pa aktivitet prej kohësh. Dy eksperiencat e fundit ishin në Letoni ndërkohë, pikërisht tek Auda dhe Riga.

Në Shqipëri do të ishte si kthim i bujshëm. Për herë të fundit luajti pikërisht në vitin 2023.

PANORAMASPORT.AL

---