Daniel Uotlai është futbollisti më i ri i Teutës. “Panorama Sport” mëson se durrsakët kanë përfituar nga rasti, pasi mesfushori e mbylli me Egnatian.

Uotlai kishte edhe dy vite të tjera kontratë me Egnatian, por bashkëpunimi u mbyll para kohe. Teuta ndërkohë përforcohet me një element që ka fituar titullin kampion, si edhe Superkupën e Shqipërisë.

22-vjeçari largohet nga Egnatia me kujtimin e 35 paraqitjeve. Nigeriani shënoi edhe një gol gjatë kësaj kohe.

Uotlai numëron paraqitje edhe me Nigerinë U-23. Kjo lëvizje vjen në shtator për Teutën, atëherë kur është e vështirë që të afrohen elementë të tillë.

ZAMIR QYPI-PANORAMASPORT.AL

---