Transferimi i Karim Adejemit nga Borusia Dortmund te Barcelona është vetëm çështje kohe.

Presidenti Joan Laporta gjithashtu konfirmoi përfundimin e afërt të marrëveshjes duke mos e fshehur entuziazmin e tij për mbërritjen e talentit gjerman.

“Jemi shumë të kënaqur me Adejemin. E kemi ndjekur atë për një kohë të gjatë. Ai është një lojtar i shpejtë dhe i rrezikshëm, dhe Deko e menaxhoi operacionin shumë mirë. Lajmi erdhi në kohën e duhur”, tha udhëheqësi i blaugranas për mediat.

Rikujtojmë që Hansi Flik ishte ai që e thirri Adejemin për herë të parë në ekipin kombëtar gjerman në shtator 2021, kur atëherë 19 vjeçari shënoi si zëvendësues në një fitore 6-0 ndaj Armenisë.

PANORAMASPORT.AL

---