Real Madridi dhe Vinicius Zhunior kanë planifikuar një takim për të zgjidhur të ardhmen e futbollistit brazilian para fillimit të parasezonit.

Menjëherë pas Kupës së Botës, të dyja palët folën dhe ranë dakord të takohen në ditët e fundit të korrikut për të provuar të finalizojnë rinovimin e kontratës së sulmuesit, siç raportohet nga gazeta AS.

Si lojtari ashtu edhe menaxhmenti i Real Madridit shprehën qëllimin e tyre të qartë për të arritur një marrëveshje që do të rezultonte në një zgjatje të kontratës dhe, për rrjedhojë, praninë e vazhdueshme të sulmuesit në Madrid, në këtë rast si kapiteni i dytë i ekipit nën drejtimin e Zhoze Murinjos.

Vinicius ka përsëritur dëshirën e tij për të qëndruar, siç ia ka përcjellë presidentit dhe pjesës tjetër të drejtuesve të klubit. Ai është treguar i hapur për të nënshkruar një kontratë të re, një ndjenjë që u dëgjua edhe nga zyrat e Valdebebas. Ekziston besim i plotë se braziliani do ta fillojë sezonin me një kontratë të re.

PANORAMASPORT.AL

---