Vllaznia ka përjetuar ndalesën e parë në shtëpi pas një serie fitoreje, duke barazuar 0-0 ndaj Dinamos në “Loro Boriçi”.

Ky rezultat prish ritmin e tyre perfekt në Shkodër, ku që nga barazimi i fundit ndaj Bylisit më 14 dhjetor 2025, skuadra kishte regjistruar vetëm fitore në 8 ndeshjet e ardhshme në shtëpi, mes kampionatit dhe Kupës.

Skuadra e Martinit kishte ndërtuar një identitet të fortë, me sulm agresiv dhe mbrojtje të disiplinuar, duke e bërë “Loro Boriçin” një fortesë për çdo kundërshtar. Megjithatë, përballë Dinamos, kjo makineri nuk funksionoi si zakonisht, duke lënë dy pikë.

Barazimi nuk ndryshon shumë bilancin pozitiv të sezonit, por mund të shërbejë si sinjal reflektimi për të rikthyer përqendrimin në ndeshjet e ardhshme. Tashmë mbetet për t’u parë reagimi i ekipit të Martinit në ndeshjet e ardhshme, për të kuptuar nëse kjo ishte thjesht një ndalesë e përkohshme apo një sinjal për më shumë kujdes në vijim.

E. ÇINARI-PANORAMASPORT.AL

---