Postuar: Shkurt 7, 2024 | 22:29
ZYRTARE/ Afrime të rëndësishme në merkato, Shkumbini i Stavri Nicës prezanton 3 futbollistë
Shkumbini nuk ndalet në merkato! Pas prezantimit të trajnerit Stavri Nica, klubi peqinas nuk ka humbur kohë për të prezantuar 3 lojtarë brazilianë, që duket se do të rrisin ndjeshëm cilësitë në skuadër.
Bëhet fjalë për Bruno Ernandes da Silva Lemos, Karlos Gabriel Gregorio Teikseira dhe Abner Leao Dos Santos. 3 “dhurata” këto nga presidenti Ali Kasa, për trajnerin e sapo emëruar Stavri Nica.
Duket se në këtë fazë të dytë skuadra e Shkumbinit, do të jetë një “kockë” e fortë, duke pretenduar ngjitjen në Kategorinë e Parë.
NJOFTIMI I KLUBIT:
Shkumbini : Në peqin ka revolucion. Prezantohen tre afrime cilësore
Pasi që mbyllën me sukses operacioni Nica për pankinën e tyre presidenti Ali Kasa ka realizuar edhe tre goditje të rëndësishme në merkato.
Në vijë e sulmit Bruno Ernandes da Silva Lemos i ditëlindjes 01.07.1999 i cili më parë ka qenë pjesë e ekipit të Victoria Guimares në Portugali Në mesfushë janë afruar dy lojtarë
Carlos Gabriel Gregorio Teixeira 25 vjeçari i cili më parë ka qenë pjesë e ekipit të Devollit dhe tashmë do të luajë për Shkumbinin si dhe
Abner Leao Dos Santos 28 vjeçar i cili më parë ka qenë pjesë e ekipit të Elbasanit në Shqipëri si dhe me ekipin e Flamengos në brazil.
Këto përforcime pritet të rritin cilësinë në ekipi Peqinas të cilët synojnë rikthimin në kategorinë e Parë për sezonin e ardhshëm
PANORAMASPORT.AL