VIDEO/ Ramadani mungoi në duelin vendimtar, shokët e skuadrës festojnë fitoren me fanellën e tij
Ylber Ramadani ka ndjekur nga televizori sot ndeshjen që skuadra e Leçes luajti në transfertë përballë Sasuolos, një prej rivalëve direkt për mbijetesën. Mesfushori shqiptar ka kaluar një faringit dhe ka qenë i sëmurë me temperaturë këto ditë, ndaj edhe nuk është stërvitur me ekipin.
Për këtë arsye, ai ishte lënë pushim nga trajneri për këtë sfidë, por për fat të mirë, skuadra e Leçes ia doli që të fitonte në duelin ndaj Sasuolos, duke marrë tre pikë të rëndësishme që e afrojnë edhe më shumë me mbijetesën.
Ramadani nuk ka qenë i pranishëm në stadium, por shokët e skuadrës nuk e kanë harruar atë. Në fund të ndeshjes, një prej tyre ka shpalosur fanellën e mesfushorit shqiptar gjatë festimeve për fitoren dhe Gendri, autori i golit të parë, nuk ngurroi të shkonte ta puthte atë.
SHIH VIDEON
PANORAMASPORT.AL
NDIQE LIVE "PANORAMA TV"