PSG-ja e Luis Enrikes, triumfoi me “poker” ndaj Lionit në takimin e javës së 30-të të Ligue 1, duke u rikthyer te triumfi në kampionat, ndërsa miqtë bien pas disa javëve pozitive.  

Edhe pse pa Mbape në fushë, kryeqytetasit arritën të shënonin plot 4 herë në portën kundërshtare, ndërkohë që golin e vetëm për Lionin e shënoi Nuamah në minutën e 37-të. 

Interesant është fakti se 5 golat u shënuan në pjesën e parë, teksa fragmenti i dytë i lojës nuk prodhoi gola. 

Autogoli i Matiç hapi serinë e golave, ndërkohë që Beraldo dhe Gonçalo Ramos ishin autorët e tjerë të golave për PSG-në. Sulmuesi portugez spikati me dopietë në minutat 32 dhe 42. 

Ky ishte suksesi i 19-të në 29 javë për PSG-në që kryeson me 11 pikë më shumë se Monako e vendit të dytë.  

PANORAMASPORT.AL

NDIQE LIVE "PANORAMA TV"

---