VIDEO/ Milani luan pritës në derbi, por stadiumi rrethohet nga tifozët zikaltër. Kuqezinjtë i presin me vërshëllima dhe sharje në “San Siro”
Derbi i Milanos sot mund të jetë vendimtar për titullin kampion, pasi në rast fitoreje, mund t’i dhurojë zikaltërve të Simone Inzagit automatikisht suksesin në Serinë A dhe yllin e dytë në fanellë. Milani është pritës në këtë sfidë, por vetëm në teori, pasi në praktikë mund të jetë i detyruar ta luajë ndeshjen jashtë fushe.
Kjo shihet qartësisht që te situata rreth stadiumit “San Siro” ku skuadrat i ka pritur një numër i madh tifozësh të Interit.
Zikaltrit kanë mbushur ambientet rreth stadiumit në pritje të ndeshjes dhe me mbërritjen e autobusit të Milanit, lojtarëve ë këtij të fundit nuk do u jetë dukur aspak si një atmosferë ndeshjeje në shtëpi. Kjo, pasi ata u pritën me vërshëllima dhe fyerje nga mbështetësit e shumtë zikaltër që ishin jashtë impiantit.
Il #Milan gioca “in casa” il derby, ma ad attenderlo ci sono tantissimi tifosi interisti, che stasera a San Siro potrebbero essere la maggioranza. L’arrivo del pullman dei rossoneri al Meazza.
🎥 @antonello_gioia pic.twitter.com/0WzoHI6OPe
— TUTTOmercatoWEB (@TuttoMercatoWeb) April 22, 2024
Ndërkohë, pritja e Interit ishte triumfuese, pasi tifozët nisën koret për skuadrën e zemrës dhe ndezën flakadanë, duke bërë gati që më përpara festën për titullin.
⭐️⏳ Molto diverso l’arrivo dell’#Inter, che battendo il Milan vincerebbe lo scudetto nel derby. ⚫️🔵 Ali di folla e fumogeni ad accogliere il pullman nerazzurro a San Siro. 🎥 @antonello_gioia pic.twitter.com/HTJfDeN4DA — TUTTOmercatoWEB (@TuttoMercatoWeb) April 22, 2024
Një situatë e cila qartësisht paralajmëron se edhe brenda në stadium, mund të ketë një pamje të njëjtë, me Milanin si pritës në këtë ndeshje, por me tribunat e ngjyrosura zikaltër.
PANORAMASPORT.AL
NDIQE LIVE "PANORAMA TV"