VIDEO/ Gjimshiti titullar! Atalanta shënon 2 herë në pjesën e parë, por katranos gjithçka në të dytën
Atalanta e Berat Gjimshitit nuk shkoi më shumë se barazimi 2-2 në shtëpi ndaj Veronës në duelin e vlefshëm për javën e 32-të të Serisë A. Zikaltrit e Gasperinit arritën të shënonin 2 gola në pjesën e parë, por pa mundur të menaxhojnë siç duhet epërsinë.
Ishte bomberi Skamaka ai që zhbllokoi sfidën në minutën e 13-të, ndërkohë që Ederson shënoi golin e dytë për bergamaskët pesë minuta më vonë.
Në fragmentin e dytë të ndeshjes, frenat e lojës i morën miqtë nga Verona, që shënuan dy herë në harkun kohor të 4 minutave me Lazoviç dhe Noslin në minutat 56 dhe 60. Një pikë e artë kjo për Veronën në luftën për mbijetesë.
GOLAT E NDESHJES: VIDEO
Ky ishte barazimi i gjashtë në 31 javë për zikaltrit, ndërkohë që për Veronën ishte i dhjeti. Sfidën e radhës Atalanta e luan në transfertë ndaj Monzës, ndërsa Verona pret Udinezen.
PANORAMASPORT.AL
NDIQE LIVE "PANORAMA TV"