Oriku stërvitet në plazh. Trajneri Besmir Shabani po “shtrydh” ekipin me seanca intensive, si në palestër, fushën sportive dhe në pyll. Dje ka qenë radha e plazhit. Ekipi ka zhvilluar një seancë në rërën e Plazhit të Vjetër në Vlorë.

Skuadra ka realizuar ushtrime të ndryshme, kryesisht të karakterit fizik, por duke dhuruar edhe spektakël për pushuesit e shumtë në këtë plazh që kanë qenë kureshtarë dhe kanë ndjekur nga çadrat stërvitjen e futbollistëve. Oriku edhe për sezonin e ri ka ruajtur grupin e lojtarëve.

Boshti i ekipit, me lojtarë si Azizi, Gjonaj, Çaushaj, Gjinaj dhe Qejvani, ka qëndruar besnik duke respektuar edhe kontratën, pavarësisht se skuadra ra në Kategorinë e Dytë. Sot me ekipin bashkohet edhe David Bocaj, ndërsa stafi është plotësuar me Albano Ahmetin. Pritet edhe ndonjë afrim cilësor, që organika të kompletohet.

ERMAL SIKA-PANORAMASPORT.AL

NDIQE LIVE "PANORAMA TV"

---