Postuar: Gusht 23, 2023 | 20:33
“Sytë” nga bashkia/ Klubi që sezonin e shkuar ishte pjesë e Kategorisë së Parë… rrezikon shkrirjen
Oriku rrezikon shkrirjen. Skuadra nuk është mbledhur dhe një pjesë e lojtarëve janë larguar. Situata nuk është aspak pozitive, por gjithsesi ka njëfarë shprese.
“Sytë” mbeten nga Bashkia e Vlorës. Administratori i klubit, Muharrem Jazaj, që mbajti i vetëm ekipin sezonin e fundit, nuk ka ndërmend të mbledhë skuadrën nëse nuk ka siguri nga bashkia. Jazaj kërkon financim nga institucioni i qeverisjes vendore që është edhe pronar i klubit.
Por deri tani nuk ka asnjë fije shprese. Edhe pse është vonë, në Orikum janë me shprehjen “shpresa vdes e fundit” dhe kërkojnë të paktën që skuadra të qëndrojë në garë për të mos shkuar te shkrirja.
PANORAMASPORT.AL
NDIQE LIVE "PANORAMA TV"