Ankth, ironi dhe në fund festë për kurbinasit. Ndeshja e djeshme mes Teutës dhe Laçit, e ndjekur nga një numër i ulët tifozësh në stadiumin “Niko Dovana”, pati disa momente interesante, që i sjell “Panorama Sport”:

*Presidentët e dy skuadrave, Edmond Hasanbelliu dhe Pashk Laska, e ndoqën ndeshjen se bashku në tribunën kryesore. *Të pranishëm në stadium ishin rreth 200 tifozë.

*Të dy trajnerët, Martini dhe Cungu, gjatë gjithë kohës ishin shumë impulsivë dhe kanë shprehur pakënaqësi për veprimet e futbollistëve të tyre në mbrojtje.

*Në minutën e para trajneri Cungu dëgjohej: “Hajde çuna dalim para dhe luajeni me shpejt topin. Më pas ai u kap me Manellarin: “O Mane, o Mane, mbajeni more djalë topin, bëni dy pasime, pse jeni në presion”.

*”Hajde o Daci afrohu more djalë, bëj presion, ngjitu lart”, dëgjohej Martini nga stoli.

*”Ej, o anësor, shumë thjesht i jep faullet ti mor burrë”, i drejtohet kapiteni Ujka njëri prej asistentëve, i cili iu kthye: “Do bësh edhe arbitrin ti, po ec luaj sport në fushë”.

*Melo në një moment u kap me Xhajën: “Ej, ej nuk ishte faull”. “E di unë, vazhdo lojën ti” iu përgjigj arbitri.

*Pas vërshëllimës së trefishtë të kryesorit Xhaja ka përqafime te Laçi dhe festë për fitoren me Teutën.

PANORAMASPORT.AL

NDIQE LIVE "PANORAMA TV"

---