Mbrëmja e djeshme ka qenë e mbushur plot me trazira në Tiranë, teksa tifozët e Romës dhe të Fejnordit u përplasën më njëra-tjetrën dhe më forcat e policisë, në prag të finales së madhe të Ligës së Konferencës, që do të startojë në orën 21:00.

Incidentet e ndodhura nuk mund të kalonin pa u pasqyruar edhe në mediat prestigjioze italiane, teksa “La Gazzetta dello Sport” zbulon një prapaskenë, duke shkruar që tifozët e Romës vodhën thikat nga një restorant që të godisnin kundërshtarët e tyre.

Përleshjet kanë qenë të shumta, në zona të ndryshme të kryeqytetit, ndërkohë që janë plagosur 19 policë, njëri me thikë. Të paktën 100,000 tifozë priten në kryeqytetin shqiptar, ndërkohë që 80 ultras të Romës, u kthyen nga Policia në Itali.

PANORAMASPORT.AL

NDIQE LIVE "PANORAMA TV"

---