Barcelona ka vendosur të nxjerrë në shitje sulmuesin e saj Memfis Depai pas zhvillimeve më të fundit në merkaton blaugrana. Me ardhjen e Rafinjë dhe të Dembelesë, për holandezin hapësirat janë reduktuar ndjeshëm. Ndaj klubi nuk ka humbur kohë dhe e ka nxjerrë në shitje holandezin.

Barcelona e vlerëson rreth 20-25 milionë euro sulmuesin e vet. Mediat spanjolle gjithashtu kanë bërë me dije se klubi po mendon dhe një zgjidhje alternative me sulmuesin që mund të jetë i vlefshëm në “operacionin” që pritet të sjellë në “Camp Nou” mbrojtësin e Seviljes, Zhyl Kunde.

Francezi llogaritet 60 milionë euro dhe Barça mund të paguajë 40 milionë euro, si dhe kartonin e Depait për të, natyrisht nëse Sevilja do.

PANORAMASPORT.AL

NDIQE LIVE "PANORAMA TV"

---