Marrin fund vuajtjet e skuadrës së Kategorisë së Parë, inaugurohet fusha e re e stadiumit
Klubi i Orikut më në fund mund të kthehet në shtëpi pas disa muajsh vuajtje. Sot është inauguruar fusha e re e stadiumit të skuadrës së Kategorisë së Parë, e cila prej muajsh kërkonte sistemim sa andej e sa këndej si për stërvitje, ashtu edhe për ndeshje, duke u përgatitur e luajtur edhe në anekset e stadiumeve të skuadrave të tjera.
Fusha e re në Orikum tashmë do të zgjidhë telashet e klubit, i cili për momentin gjendet në vendin e 9 me 7 pikë në renditjen e Kategorisë së Parë.
Në inaugurimin e këtij projekti të ri të bërë në bashkëpunim mes FSHF dhe Bashkisë së Vlorës, ishin të pranishëm presidenti i FSHF-së, Armand Duka, kryetari i bashkisë së Vlorës, Dritan Leli, si dhe figura të njohura të futbollit vlonjat.
PANORAMASPORT.AL
NDIQE LIVE "PANORAMA TV"