Artur Kabral pritet të jetë zëvendësuesi i Duzhan Vlahoviç te Fiorentina. Sipas eksperit të merkatos, Fabricio Romano, drejtuesit “vjollcë”, janë gati të paguajnë 14 milionë euro plus 2 bonuse, për të siguruar shërbimet e brazilianit 23-vjeçar, i cili është duke shkëlqyer te Bazeli.

Vlen të theksohet se Kabral, i shënoi supergol me roveshatë Partizanit, në ndeshjen e 22 korrikut, të zhvilluar në Zvicër dhe të vlefshme për kualifikueset e Ligës së Konferencës.

Braziliani gjeti rrugën e rrjetës edhe në sfidën e kthimit të zhvilluar në “Elbasan Arena”.

Këtë sezon Kabral ka shpërthyer me fanellën e Bazelit. Mes kampionatit zviceran dhe Ligës së Konferencës ai ka shënuar deri tani 27 gola në 31 paraqitje, duke u shndërruar në një lider te klubi më i titulluar në Zvicër.

Fiorentina have submitted an opening bid to Basel in order to sign Brazilian striker Arthur Cabral. €14m guaranteed plus €2m bonuses. ?? #Fiorentina

Arthur Cabral is the main option for Fiorentina in case Dusan Vlahović deal with Juventus will be completed in the coming hours. pic.twitter.com/emgfpis5QA

— Fabrizio Romano (@FabrizioRomano) January 25, 2022

Vlerësimi i Baselit është 18 milionë euro, por propozimi i parë i Fiorentinës është konsideruar i rëndësishëm dhe vendimtar. Në ditët e ardhshme pritet që të nisin edhe negociatat konkrete, për transferimin e brazilianit në Serinë A.

PANORAMASPORT.AL

NDIQE LIVE "PANORAMA TV"

---