Hysaj gati të largohet nga Napoli, klubi anglez rishfaq interes për mbrojtësin
Elseid Hysaj, mbrojtësi i Kombëtares, duket se në janar do të largohet nga Napoli, pasi klubi nuk dëshiron që ta humbasë më parametra zëro në verë.
Hysaj u kërkua jo nga pak skuadra gjatë verës, përmendim këtu Roma, Çelsi apo dhe Valencia.
Siç raportojnë mediat italiane, Çelsi e ka rikthyer interesin për mbrojtësin kuqezi dhe duket se do të lëvizë gjatë merkatos së janarit.
Ky sezon është i vështirë për Napolin dhe lojtarin, pasi përveç dëmtimit horror që pati në ndeshjen me Torinon, Ançeloti nuk e nis si titullar, kështu që largimi në janar thuajse është i sigurt.
Mbetet të shihet, nëse pikësëpari Napoli do vështirësojë operacionin me kërkesat e larta, siç shpesh herë bën dhe sa Çelsi është e gatshme të transferoj mbrojtësin e Kombëtares shqiptare, kur këtë sezon Lampardi beson shumë te talentet e ekipit.
/PANORAMASPORT.AL/
NDIQE LIVE "PANORAMA TV"