Bylisi ka gjetur qetësinë pas fitores me Besën, por kërkohet që ekipi të jetë vigjilent për vazhdimësinë. Duket se lufta tashmë bëhet për vendin e parë, pasi Flamurtari dhe Vora janë diferencuar më shumë me kreun.

Falë ndërprerjes së kampionatit, Bylis ka kohën e mjaftueshme për të menduar për ndeshjen e radhës, ku i pret transferta e Burrelit.  Ndryshe nga sfida me Besën, ballshiotët do të jenë më të plotë ndaj matjanëve. Rikthehen titullarët që munguan ndaj kavajasve, si Abazaj e Goxha në mbrojtje, si dhe Xheferson e Berisha në sulm.

Ndërkohë shpresohet shumë te rikuperimi i Felipe Sozës. Kur kanë mbetur edhe tetë javë deri në fundit e garës, Bylisi do të kërkojë me patjetër që të rimarrë kreun e renditjes në Kategorinë e Parë. Deri në disfatën që pësuan me Luzi 2008, dy javë më parë, mund të themi se ballshiotët kanë bërë një sezon thuajse perfekt.

ERJON SALIU- PANORAMASPORT.AL

NDIQE LIVE "PANORAMA TV"

---