Bajern Mynih është në një situate paksa delikate në këto momente. Edhe pse janë akoma në garë për fitimin e Ligës së Kampionëve, janë eliminuar nga Kupa e Gjermanisë dhe qëndrojnë “vite dritë” larg Bajer Leverkusen, që është shkëputur aq shumë sa mund të themi se e ka siguruar tashmë titullin kampion.

Me 21 shkurt të këtij viti, u njoftua se Tomas Tuhel do të largohet nga drejtimi i ekipit në fund të sezonit aktual, dhe drejtuesit duhet të fillojnë të shohin për pasardhesin e tij. Sipas raportimeve te gazetës gjermane “Bild”, klubi bavarez gjithashtu tenton të përforcojë mbrojtjen dhe mesfushën. Emri i parë për repartin difensiv është mbrojtësi i Barcelonës, Arauho. Gjermanët tentuan që në janar ta transferonin uruguaianin, por nuk arritën, prandaj e kanë si synim kryesor në verë.

Gjithashtu gazeta prestigjoze gjermane raporton edhe për një emër të ri që ka hyrë në radarin e kampioneve në fuqi të Gjermanisë. Behët fjalë për mesfushorin e Real Sociedad, Martin Zubimendi. 25-veçari ka një klauzolë lirimi prej 60 milionë eurosh, që Bajern duket se është i gatshëm ta paguajë në verën e këtij viti.

PANORAMASPORT.AL

NDIQE LIVE "PANORAMA TV"

---