Agostineli flet pas barazimit: Nuk patëm fat, Skënderbeu s’e ka të lehtë
Trajner i Partizanit shprehet i kënaqur me paraqitjen e skuadrës së tij edhe pas barazimit 1-1 të marrë në “Qemal Stafa” ndaj Flamurtarit. Në prononcimin pas ndeshjes, tekniku italian tha se skuadra krijoi shumë raste dhe meritonte fitoren, por “nuk patëm fatin me vete”.
Agostineli foli edhe për rastet e humbura nga skuadra dhe gjykimin e arbitrit. “Mbrojtja çaloi te goli, por janë gjëra që ndodhin. Patëm shumë raste dhe shënuam para golit të Flamurtarit por arbitri vendosi ndryshe”,-tha Agostineli për “Supersport”.
Trajneri vlerësoi vlonjatët e Flamurtarit për lojën e treguar. Duke folur për kundërshtarët, ai tha se “kjo ndeshje tregon se nuk ka rivalë të lehtë për ne, por edhe për skuadrën e Skënderbeut”.
NDIQE LIVE "PANORAMA TV"