ZYRTARE/ Shpalli ekipin kampion, mbrojtësi i Kombëtares i jep fund me francezët
Fundi i këtij sezoni po sjell edhe shumë ndryshime skuadrash për legjionarët shqiptarë. I tillë është edhe rasti i mbrojtësit të djathtë të Kombëtares, Ivan Balliu.
27-vjeçari që aktivizohej tek Metz në kategorinë e dytë franceze, i ka dhënë lamtumirën ekipit, pasi me të doli në vendin e parë, duke siguruar ngjitjen për në elitën e Francës për sezonin tjetër. Me Metz këtë sezon, Balliu 28 takime, për një total prej 2.136 minutash.
“Miqtë e mi, më duhet të them mirupafshim. Pas 4 sezonesh tek Metz, është koha që të shkoj në një aventurë të re. Faleminderit të gjithëve, nuk do ju harroj kurrë.” – shkruan Balliu në rrjetet sociale.
Balliu, që nisjen e karrierës e ka pasur tek të rinjtë e Barcelonës, tashmë duhet të shohë për një ekip tjetër ku do të vijojë karrierën.
PANORAMASPORT.AL
NDIQE LIVE "PANORAMA TV"