Ish-mesfushori i Laçit, Altin Kryeziu do të vijojë karrierën te skuadra e Andijon, që militon në elitën e futbollit uzbekistanas.  

23-vjeçari u prezantua ditën e sotme, teksa u bashkua me skuadrën e re, pas eksperiencës në futbollin shqiptar me kurbinasit. 

Vlen të theksohet fakti se në sezonin 2022-2023, pjesë e Andijon ishte sulmuesi shkodran Rubin Hebaj, i cili arriti të linte gjurmë duke shënuar 14 gola si dhe dha 3 asist.  

Për sa i përket Kryeziut, ai në këtë gjysëm të parë të sezonit regjistroi 13 aktivizime me Laçin. Mesfushori ka një CV tepër të pasur, teksa ka qenë pjesë e Torinos, Mariborit.  

PANORAMASPORT.AL

---