Sulmuesi Erald Maksuti do të vazhdojë karrierën e tij në kampionatin rus të futbollit, ku ka firmosur me ekipin e Akhmat Grozni. Talenti i kërkuar nga shumë klube në Superiore dhe jashtë, në fund ka pranuar ofertën ruse dhe sot është zyrtarizuar si lojtar i kësaj skuadre.  

“Akhmat Grozni dhe klubi shqiptar Flamurtari kanë gjetur një marrëveshje për transferimin e  sulmuesit Erald Maksuti në ekipin çeçen. Lojtari ka firmosur një kontratë katërvjeçare.

Në sezonin e kaluar, Maksuti shënoi 12 gola dhe dha 3 asiste në 34 ndeshje në kampionatin kombëtar. Sulmuesi 22-vjeçar është pjesëtar i ekipeve të moshave të Shqipërisë”, shkruhej në njoftimin e Akhmat Groznit për lojtarin.

PANORAMASPORT.AL

 

---