Vllaznia nuk do ndalet me miqësoret as këtë javë, ku para nisjes së Superiores, shkodranët kërkojnë të jenë në formën sa më të mirë sportive dhe fizike.

Kështu kundërshtari i radhës në këtë verë sipas asaj çfarë bëhet e ditur është Kukësi. Me verilindorët që do kthehen të luajnë një ndeshje në Shkodër pas thuajse 2 vitesh, ku të martën në orën 18:00 do luajnë në “Loro Boriçi” ndaj kuqebluve të drejtuar nga Martini.

Një test miqësor ku kësaj radhe ndryshe nga dueli me Laçin të shtunën e kaluar, pritet që në formacionin e Vllaznisë të luajnë disa nga titullarët e skuadrës. Në këtë mënyrë ky pritet të jetë edhe dueli i fundit miqësor i verës për 9 herë kampionët e vendit tonë. Duke mos përjashtuar edhe ndonjë miqësore ditën e shtunë, ku në program ka qenë një duel ndaj Burrelit, por ende i pa zyrtarizuar nga ana e klubit shkodran.

Kështu Vllaznia pas ndeshjes me Kukësin, mendimet do jenë shumë më serioze për Vllazninë. Që do nisë përgatitjet për ndeshjen e parë sezonale ndaj Egnatias, që do mbahet në kuadër të javës së parë të edicionit 2025-26 dhe do ngrejë siparin e sezonit të ri për shkodranët, pikërisht në “Loro Boriçi” dhe para tifozëve të tyre.

ENDRI ÇINARI-PANORAMASPORT.AL

 

---