Malisheva do e presë Vllazninë në Kampin Nacional Hajvalia. Ky takim i vlefshëm për turin e parë të Ligës së Konferencës është programuar për të mërkurën, më 15 korrik ora 16:30.

UEFA e zyrtarizoi ndryshimin e radhës përmes faqes së saj. Kujtojmë se më parë ishte vendosur stadiumi “Zahir Pajaziti”.

Stadiumi ku do luajë Vllaznia është investimi më i madh i Federatës së Futbollit të Kosovës. UEFA ka asistuar me programin “HatTrick”.

Vllaznia ndërkohë e fitoi takimin e parë në stadiumin “Loro Boriçi”. Kuqeblutë triumfuan me rezultatin 2-1.

PANORAMASPORT.AL

---