FOTO/ Lundrim romantik në lumë, Alisha Lehman shijon pushimet me të dashurin
Alisha Lehman po shfrytëzon pushimet verore larg fushave, duke kaluar momente romantike me të fejuarin e saj, Montel McKenzie. 
Çifti, i cili së fundmi kurorëzoi dashurinë me fejesë, ka zgjedhur të kalojë disa ditë në Zvicër, vendlindjen e futbollistes. Ata e bënë publike fejesën në rrjetet sociale, pasi Montel i propozoi Alishës gjatë një pushimi romantik në plazh. Që prej atij momenti, dyshja është parë së bashku në turneun prestigjioz të tenisit në Uimbëlldon, përpara se të niseshin drejt Zvicrës për pushime. 27-vjeçarja publikoi në “Instagram” disa fotografi dhe video nga aventura e tyre në një lumë zviceran, ku çifti shihet duke lundruar me një varkë të vogël pneumatike.
Kjo traditë është shumë e përhapur në Zvicër dhe konsiston në lundrimin përgjatë lumenjve si Aare, Limmat dhe Rhine. Në fotot e publikuara, Alisha shfaqet me bikini të verdha, duke u argëtuar me Montelin gjatë lundrimit. “Swiss time”, shkroi ajo në përshkrimin e postimit. Edhe Montel nuk e fshehu entuziazmin, duke komentuar: “Koha më e bukur me njerëzit më të mirë”.
PANORAMASPORT.AL
