Vllaznia do të luajë miqësoren e radhës në fazën përgatitore për sezonin e ri. Shkodranët do të përballen me skuadrën që u rikthye në Superiore këtë sezon, Laçin.Dueli do të zhvillohet në datën 29 korrik në orën 18:00 në “Loro Boriçi”.

Rikujtojmë që pas eliminimit nga Liga e Konferencës, kuqeblutë luajtën të shtunën në Ulqin ku u mposhtën me shifrat 2-1 nga vendësit e Otrantit. Testet për skuadrën e Martinit do të vijojnë ku pritet të zhvillohen 4 ose 5 miqësore të tjera para nisjes së edicionit të ri në Superiore.

PANORAMASPORT.AL

---