“Panorama Sport” ju sjell në vijim të veçantat e ndeshjes mes Partizanit dhe Elbasanit:

– Ish-drejtori i Partizanit, Arbër Abilaliaj është prezent në stadium.

– Sapo përgatitet të nisë takimi, tifozët e Elbasanit nisin ofendimet në kor ndaj trajnerit Kernaja.

– Nga tribuna kryesore ka një bandërolë të dedikuar për Marjus Kolën. Ky i fundit, disa orë më parë kishte zyrtarizuar rinovimin e kontratës me Partizani duke u konfirmuar si një element i rëndësishëm për skuadrën e kuqe.

– Pikërisht është Kola ai që asiston për golin e parë të Skukës, mbrojtësi përqafon trajnerin Kërnaja, teknikun që i besoi dhe i dha shansin për të treguar cilësitë në elitë.

– Trajneri Kërnaja përfiton nga ndërprerja e lojës për t’i dhënë direktiva Isgandarli, duke i treguar bllokun e skemave.

– Isgandarli shënon dhe më pas teksa është duke u kthyer në gjysmëfushën e tij, goditet nga tifozët e Elbasanit, tribunat shpërthejnë në të shara.

– Trajneri Kërnaja bën gati Muratajn, ovacione nga tifozët e Partizanit në tribuna për mesfushorin që u rikthye në shtëpi.

– Buxhelaj largohet me barrelë pas një goditje në kokë, me trajnerin Kërnaja që i jep kurajë dhe e puth në ballë.

– Tifozët e Elbasanit bëjnë shënjestër edhe Muratajn, ofendime dhe goditje.

– Sembene i tremb të gjithë, shembet në tokë… Panik për disa sekonda, me ambulancën që futet në fushë. Bytyçi i qetëson të gjithë duke bërë me shenjë se gjithçka është në rregull. Mbrojtësi largohet me barrelë.

– Trajneri Kërnaja kërkon të dijë sa është shtesa, e cila ende nuk ishte akorduar për shkak të ndërprerjes së ndeshjes nga ajo që ndodhi me Sembene.

– Bunjaku shtyn Muratajn pas një rivënie anësore, duke nervozuar tifozët e Partizanit dhe stafin e të kuqve.

– Tension edhe pas përfundimit të sfidës, me lojtarët dhe të dy stafet që u shfaqën nervozë. Për fat situata nuk agravoi edhe më shumë.

EJGI ÇABELI – PANORAMASPORT.AL

---